ثيمات احترافية، الدفع عند الاستلام، تتبع الطلبيات من التأكيد حتى التوصيل، الجملة والدروب شيبينغ، ومساعد ذكي يشرحلك كلش — من بلاصة وحدة.
الأثاث يحتاج الأبعاد والتوصيل الثقيل، قطع السيارات تحتاج «اختار سيارتك»، والتصليح يحتاج حجز موعد. دكّاني يعرف الفرق.
4 أشكال (متجر، صفحة هبوط، تجميل، منتجات رقمية) و8 ثيمات ألوان — كلهم مفتوحين في كل الباقات.
جديدة ← مؤكدة ← في الطريق ← وصلت أو رتور، مع سجل كامل لكل تبديل ومن دارو، وتنبيه كي يتأخر رتور.
قائمة سوداء أوتوماتيكية بعد عدد الرتورات اللي تختارو، ومنع تكرار الطلب من نفس الرقم ولا نفس الجهاز.
التأكيد، التتبع، المنتجات — كل واحد يشوف غير خدمتو.
تسيّر 2 ولا 3 متاجر من نفس الحساب بسعر أقل لكل متجر.
سعر الشراء، مصاريف الإشهار، وتكلفة كل طلبية واصلة.
طلّع ولا هبّط الباقة في أي وقت: الأيام اللي خلّصتهم تتحوّل لقيمتهم في الباقة الجديدة، ما تخسر حتى دينار.
التطبيقات مجانية 3 أشهر لكل متجر جديد، ومن بعد كلهم بـ 800da في الشهر. الذكاء الاصطناعي وتأكيد الواتساب يتخلّصو وحدهم.
سقسيه بالدارجة: كيفاش نحط أسعار التوصيل؟ علاه الرتور طالع؟ اكتبلي وصف لهذا المنتج. يشوف أرقام متجرك ويجاوبك ديريكت.
وبإضافة «بوت المبيعات»، يجاوب حتى زبائنك 24/24 على الأسعار والمقاسات والتوصيل.
كل باقة فيها عدد متاجر، وكل متجر زايد يتحسب بسعر مخفض. مثلاً الاحترافية: متجر واحد 5900da، وكل متجر زايد 2500da برك.
إيه، في أي وقت، تطلع ولا تهبط. الوقت اللي خلّصتو يتحوّل أوتوماتيكياً لقيمتو في الباقة الجديدة: إذا هبطت يزيد عدد الأيام، وإذا طلعت ينقص.
تحط رابط المنتج من موقع المورد، ودكّاني يجيب الاسم والصور والوصف وحدو. تحط سعر البيع، وفي كل طلبية يبانلك رابط المورد والربح.
المتجر يتوقف مؤقتاً للزوار، والمعلومات والطلبيات تبقى محفوظة. كي تخلّص يرجع يخدم ديريكت.
ببريدي موب ولا CCP وترفع صورة الوصل، ولا بالبطاقة الذهبية/CIB. كي تخلّص 3 أشهر ولا أكثر تاخذ تخفيض حتى 20%.
14 يوم مجاناً بكل المميزات. بلا بطاقة، بلا التزام.